Қазақстандықтардың орташа айлық жалақысы 400 мың теңгеден артық – статистика

Сақтандыру және зейнетақы қамтамасыз ету саласындағы жалақы күрт өсті деп хабарлайды LS.

Қазақстанда 2024 жылы орташа айлық жалақы 402,6 мың теңгені құрады. Ұлттық статистика бюросының мәліметіне сәйкес, 2023 жылмен салыстырғанда номиналды жалақылар 11,6%-ға, ал нақты жалақы 2,7%-ға өсті.

Ең жоғары жалақы сақтандыру және зейнетақы қамтамасыз ету (міндетті емес) саласында тіркелді – 1,6 млн теңге (+1,6 есе), ал нақты көрсеткіш бойынша жалақы 1,5 есе артты.

Қаржы қызметтері мен сақтандыру саласындағы қосалқы қызмет түрлері жұмыс берушілерге орта есеппен 1,2 млн теңгені құрады (+23,1%), ал нақты жалақы 13,2%-ға өсті. Басқару мәселелері бойынша кеңесшілер 1,1 млн теңге алып отырды (+10,4%), ал нақты мәнде олардың жалақысы 1,6%-ға артты.

Сонымен қатар, балық аулау және аквакультура саласында ең төменгі орташа айлық номиналды жалақы – 109 мың теңге. Мұнда номиналды көрсеткіш (-6%) және нақты мәні (-13,5%) бойынша төмендеген.

Мектепке дейінгі білім беру саласында орташа жалақы 195,6 мың теңгені құрады, бұл номиналды түрде 20,3%-ға, ал нақты мәнде 10,7%-ға өскен. Қауіпсіздікті қамтамасыз ету және тергеу жұмыстарымен айналысатын қызметкерлер номиналды түрде 198 мың теңге алған (+9,7%), ал нақты мәнде олардың табысы 0,9%-ға артты.

Аймақтар бойынша ең жоғары көрсеткіш Атырау облысында тіркелді – 620,4 мың теңге (номиналды: +3,6%, нақты: -5%). Одан кейін Маңғыстау облысы – 577,9 мың теңге (номиналды: +9,2%, нақты: -0,7%), Ұлытау – 533,9 мың теңге (номиналды: +9,9%, нақты: +2,1%), Астана – 532,1 мың теңге (номиналды: +15%, нақты: +4,5%) және Алматы – 487,8 мың теңге (номиналды: +15,4%, нақты: +5,8%).

Ең төменгі жалақы Жетісу облысында – 291 мың теңге (номиналды: +9%, нақты: +0,2%) және Солтүстік Қазақстан облысында – 291,9 мың теңге (номиналды: +11,4%, нақты: +2%) тіркелді.

Өткен жылдың IV тоқсанындағы деректер бойынша, сол кезеңдегі орташа айлық жалақы 434,9 мың теңгеге жетті. Бұл III тоқсандағы көрсеткіштен номиналды түрде 11,4%-ға, нақты түрде 8,9%-ға жоғары.

Ал медианалық жалақы 308,7 мың теңгені құрады.

Еске салайық, бұған дейін LS редакциясы кішкентай кәсіпорындардағы қазақстандықтардың табысы туралы материал жариялаған болатын.

Анықтама

Медианалық жалақы – қазақстандықтардың орташа жалақы түрлерінің бірі. Медианалық жалақы төлемі цифрі елдегі жұмыскерлердің 50%-ы азырақ, ал 50%-ы – одан көбірек алатынын білдіреді. Мысалы, егер 20 жұмысшының 10-ның жалақысы 200 мың теңгеге дейін, ал қалған 10-ының жалақысы 200 мың теңгеден асса, медианалық жалақы 200 мың теңге болады.

Бір жұмысшының орташа айлық номиналды жалақысы – есепті кезеңдегі жалпы жалақы қорының сомасын жұмысшылардың нақты саны мен айлар санына бөлу арқылы анықталады.