"Құны 800 мың теңге": Шымкенттегі мешіттердің бірінде ер адамның қымбат сырт киімін ұрлап кеткен
| Шымкент полицейлері мешітте болған ұрлық қылмысының бетін ашқан. |
Әл-Фараби аудандық полиция басқармасының қызметкерлері жергілікті тұрғынның ұрлық туралы арызы бойынша тергеуді бастаған, деп хабарлайды Caravan.kz медиа порталы Polisia.kz — ке сілтеме жасап.
Ер адамның айтуынша, қаладағы орталық мешіттердің бірінде белгісіз біреу оның ілгіште тұрған құны 800 мың болатын теңге болатын сырт киімін ұрлап кеткен.
Тәртіп сақшылары аталған жайтты ҚР ҚК-нің 188-бабы (Ұрлық) бойынша тіркеп, күдіктіні жедел-іздестіру жұмыстарына кіріскен.
Оқиға болған жердегі бейнекамераларды тексеру кезінде күртешені киіп, “ізін суытуға” асыққан жігіт көзге түскен. Полицейлер оның жеке басын анықтап, қала аумағында жалдамалы пәтерлердің бірінде ұстаған. Қымбат күртеше иесіне қайтарылған.
Polisia.kz — тің хабарлауынша, қазіргі таңда сотқа дейінгі тергеу әрекеттері жүргізіліп, күдіктінің басқа да қылмысқа қатысы бар-жоғы анықталуда.
