Астанада шахмат Олимпиадасы аяқталды
Астанада ерекше қажеттіліктері бар адамдарға арналған 2-ші шахмат Олимпиадасы FIDE-1 командасының жеңісімен аяқталды. Күміс медаль – алғашқы Олимпиаданың жеңімпазы Польша құрамасына, ал қола – Израиль командасына бұйырды.
Ерекше қажеттіліктері бар адамдарға арналған 2-ші шахмат Олимпиадасының (2nd Chess Olympiad for People with Disabilities ) соңғы, 6-шы туры 25 қазанда өтті. Бұл күні бүкіл Қазақстан ұлттық мереке – Республика күнін атап өтті (дәл осы күні, 35 жыл бұрын, сол кездегі Қазақ КСР Жоғарғы Кеңесі мемлекеттік егемендік туралы Декларация қабылдады).
Турдың алғашқы символикалық жүрістерін IPCA (қимыл-қозғалыс аппараты бұзылған адамдардың халықаралық шахмат қауымдастығы) президенті Андрей Гурбанов, KazChess/Қазақстан шахмат федерациясының атқарушы директоры Гүлмира Дәулетова және Қазақстан Ұлттық Банкінің Солтүстік Қазақстан филиалының директоры Диас Мэлс жасады.
Турдың өзінде-ақ жұптар қызығушылық тудырып отырды: 9 ұпайдан жинаған FIDE-1 және алғашқы Олимпиаданың жеңімпазы Польша командалары өздерінен бір ұпай кем IPCA (2023 жылғы Олимпиаданың күміс жүлдегері) және IBCA командаларымен кездесті. Айта кетерлігі, IBCA құрамында екі тақтада… поляк ойыншылары ойнады!
Бастапқыда екі жыл бұрынғы жағдай қайталануы мүмкін сияқты көрінді: тақталардың тақ нөмірлерінде қара түспен ойнаған IPCA және Польша командалары позициялық тұрғыда жақсырақ тұрды. Алайда жүріс сайын FIDE-1 – IPCA кездесуіндегі жағдай FIDE-1 пайдасына қарай айқындала берді, нәтижесінде есеп 3½–½ болып, ірі жеңіске ұласты. Ал олардың бәсекелестері арасындағы матч тіпті тең аяқталды – 2–2: бұл есеп Юлия Саломон (1976) WIM Лилиана Лешнерді (1991) жеңгеннен кейін тіркелді!
Осылайша, тақталар ретімен: FM Станислав Бабарыкин, Максим Ермаков, FM Илья Липилин, Евгения Захарова және IM Андрей Ободчук, капитаны – WFM Светлана Герасимова болған FIDE-1 командасы 2-ші Олимпиаданың жеңімпазы атанды!
Біздің құрамалар арасынан ең үздігі Қазақстан-2 командасы болды – олар «алтын ортаны» иеленіп, 15-ші орынға тұрақтады. Ал 20 жастағы Айғаным Қамбарова 5-ші тақтада ең үздік нәтиже көрсетіп, алтын медаль жеңіп алды – 6 партияның 4 ұпайын жинады! Оның командаласы әрі құрдасы Әлімжан Аяпов 1-ші тақтада жоғары 7-ші орынға ие болды – 3 жеңіс және 3 тең ойын. Керемет нәтиже!
6-шы турдың нәтижелері:FIDE-1 3½–½ IPCA, IBCA 2–2 Польша, Чехия 1½–2½ Израиль, Өзбекстан 1–3 Филиппин, Куба 3½–½ Венесуэла, Сербия 1½–2½ ICCD, АҚШ 3–1 Хорватия, Венгрия 3½–½ Солтүстік Македония, Египет 1½–2½ Үндістан, FIDE-2 2½–1½ Колумбия, Германия 1½–2½ Қазақстан-2, Қазақстан ICCD 2½–1½ Қазақстан-3, Замбия 3–1 Бангладеш, Аргентина 4–0 Кения, Мьянма 3–1 Зимбабве, Панама 2½–1½ Уганда, ОАЭ 0–4 Чили.
6 турдан кейінгі қорытынды нәтиже:
1. FIDE-1 – 11 командалық ұпай, 117 – «қысқартылған» Зоннеборн–Бергер коэффициенті, 19½ жеке ұпай;
2. Польша – 10, 115, 16½;
3. Израиль – 9, 97, 15;
4. IBCA– 9, 92,5, 15½;
5. Филиппин – 9, 82,5, 15½;
[…]
15. Қазақстан-2– 6, 57,5, 12;
18. ҚазақстанICCD– 6, 46, 11;
26. Қазақстан-3– 4, 50,5, 11.
Марапаттау кезінде әр тақта бойынша үздік үш ойыншы (қосалқыны қоса алғанда) медаль, диплом және жүлделермен аталып өтті:
Ең үздік перфоманс жүлдесі: Максим Ермаков (2265, FIDE-1).
Ең үздік партия жүлдесі (1-ші турда, хорват Станa Маричке қарсы) – Чейзер Кристал Джей Мендоса (Филиппин).
Арнайы жүлделерді ең жас және ең егде ойыншылар иленді:
Турнирдің аяқталуына орай KazChess/Қазақстан шахмат федерациясының президенті Тимур Турлов былай деп пікір білдірді:«ФИДЕ-мен бірлесе отырып, біз шынымен де керемет турнир ұйымдастыра алдық. Бұл әрі спорттық деңгейі, әрі мазмұны жағынан жоғары деңгейдегі жарыс болды. Олимпиадаға бөлгенназарымен шахматқа берген қолдауы үшін Президентімізге ерекше алғыс білдіремін. Оның құттықтауы бұл шараға ерекше мәртебе беріп, бәрімізге қосымша жауапкершілік жүктеді».
